بتضحك لما أكون غايب
طالعالى من بين
السطور
عماله تتنطط
طفلة كبيرة جايه
من أسوان
سارقه ضفيرة من
بنات بحري
حرة بطعم الدوم
ريحة شردوها يشبه
النعناع
عماله تضحك وهى
بتكشر
تمد أيدها ..تلمها
في ثانية
أمد أيدي ..أخجل
من اللي أنا فيه
سمره بلون البلد
ساعة الغروب
والشمس تشرق من
عينيها الصبح
بتتكلم كما
الخواجات
وتضحك لما أكون
غايب
وتتفلسف وأنا
موجود
الشمعة بتموت جنب
منى
أدور عـ القلم
..أكتب
بتجبرنى ..
أعود للشعر
وتجبرني أفتكر
نفسي
وأفتش تاني فـ
الكشاكيل
صباح الخير
يا كل الذكريات
المتنتورة في قلبي
يا صوت الخوف ،ولحظات
الونس واليأس
يازرعه في غيط
أخضر بيتعافى
صباح الخير يا بت
الناس
دخلتي إزاي وأنا
خارج؟
دانا حتى ورايا
ميعاد
أنا مش عندى
..اتكلم
وكل حروفي رصتها وأنا
ماشى،
وأنا مسافر ،وأنا
تايه ،وأنا هاربان
قوليلي ازاي ؟
أفك الفكرة من
تاني
وأرتبها من الأول
عشان جايانى آخر
الليل
في نص العمر
صباح الخير
يا مسافرة كما
التايهين
ولا توهتي
وقوفك وأنتي مش
واقفه
معطلني أن أنا
أمشى
مخلينى أقول بكره
وبكره وبعده
بيعدوا..مفيش حاجه
ماتبصيش ..
هـ اضعف فجأة وهـ
اقطع..
خيوط العقل
والمنطق
بلاش جدية الموقف
بلاش ضحكك معايا
كتير
بلاش..
وأحول حزني تاني
لشاش يداويني
ويكفيني
أشوفك نجمه فـ
الضلمة
بدأت أتعب من
الفكرة
وعندى رغبة
مجنونة أفشكل كل اللي أنا عايشه
وأشوطه بعيــــــد
وعايز أثور كما
الثايريين فـ الشارع
لكن دلوقتي..
مش قادر
ومش لاقى سوبر
ماني
صحيح بـ أعند
وتقفل فجأة قدامى،
ما بحسبهاش
لكن دي حماقة مش
جرأة
ويمكن جرأة ..مين
عارف؟
ظهورك فجأة قدامى
..
-ولو قولتيلى مش
مقصود ،ومش وارد-
بيربكنى
موسيقى الـ "روك
" طالعالي
بتجري ورايا من صورك
وعود مجروح بيسمعني
..
وأنا تايه
ومتلخبط من الداخل
بـ أدور عـ اللي
جوايا ..ومش بلاقيهبـ اقولك إيه
..من الآخر
تتوهي معاي؟.
ليست هناك تعليقات:
إرسال تعليق